Рәсми Татарстан 30 ноябрь 2016 06:42

Кичә Рөстәм Миңнехановның Парижда эш сәфәре башланып китте

Эш сәфәре кысаларында Президент француз компанияләре вәкилләре, Франция Эшлеклеләре ассоциациясе җитәкчелеге белән очрашулар үткәрә.

Скопировать ссылку

(Казан, 30 ноябрь, “Татар-информ”). Кичә Рөстәм Миңнеханов эш сәфәре белән Парижга (Франция Республикасы) килде. Аны "Ле Бурже" аэропортында Россиянең Франциядәге Гадәттән тыш һәм тулы вәкаләтле вәкиле Александр Орлов һәм башка рәсми затлар каршы алды, дип хәбәр итә Татарстан Республикасы Президентының матбугат хезмәте. Эш сәфәре кысаларында Татарстан Президенты француз компанияләре вәкилләре, Франция Эшлеклеләре ассоциациясе җитәкчелеге белән очрашулар үткәрә, "Франция – Татарстан" эшлекле форумында катнаша.

Рөстәм Миңнехановның ЮНЕСКОның генераль директоры Ирина Бокова, Франция Сенаты рәисе Жераром Ларше һәм башкалар белән очрашулары да каралган.

Парижда Президент "Шнайдер Электрик" компаниясенең экспозицион үзәген карап чыгарга да ниятли.

#Рөстәм Миңнеханов #Париж

Сәхифәләр

Кичә Рөстәм Миңнехановның Парижда эш сәфәре башланып китте