Хәвеф-хәтәр 22 ноябрь 2019 09:27

Кичә Екатеринбург-Мәскәү самолеты ашыгыч рәвештә Казан аэропортына төшкән

Очкычта барлыгы 123 пассажир һәм ун экипаж әгъзасы булган.

Скопировать ссылку

(Казан, 22 ноябрь, «Татар-информ»). Red Wings авиакомпаниясенең Екатеринбургтан Мәскәүгә юл тоткан Airbus A321 лайнеры 21 ноябрь кичендә ашыгыч рәвештә «Казан» Халыкара аэропортына төшеп утырган. Очкычның бер двигателе ватылганга, ул җиргә төшеп утырырга мәҗбүр булган, дип хәбәр итә «Интерфакс» агентлыгы Идел буе транспорт прокуратурасы матбугат хезмәтенә сылтама белән.

Һава судносы Мәскәү вакыты белән 17.24 сәгатьтә җиргә төшкән. Очкычта барлыгы 123 пассажир һәм ун экипаж әгъзасы булган.

Авиакомпания әлеге очкычка алмашка башка лайнерны җибәргән. Һава аланындагы онлайн-таблодан күренгәнчә, самолет Казан аэропортыннан 23.40 сәгатьтә кузгалып киткән. Мәскәүнең «Домодедово» аэропортына ул 22 ноябрьдә 1.12 сәгатьтә килеп җиткән.

#самолет һәлакәте

Сәхифәләр

Кичә Екатеринбург-Мәскәү самолеты ашыгыч рәвештә Казан аэропортына төшкән