Кичен Татарстанда яңадан бураннар һәм көчле җил көтелә
Скопировать ссылку
Бүген кич, иртәгә төнлә һәм иртән Татарстанда һава шартлары яңадан начараячак. Бу хакта ТР Гидрометеорология үзәге кисәтә.
15 декабрь кичендә, 16 декабрь төнендә һәм иртәсендә республиканың кайбер урыннарында бураннар көтелә күрү мөмкинлеге бер-ике километрга кадәр начараячак.
Моннан тыш, тизлеге секундына 15–18 метрга кадәр җитүче көчле җил (Казанда – 16 м/с га кадәр) фаразлана. Бофорт шкаласы буенча, тизлеге 13,9 дан 17,1 м/с кадәр булган җил «көчле» дип, ә 17,2 дән 20,7 м/с кадәр булган җил «бик көчле» дип атала.