Кичен Татарстанда томан, төнлә һәм иртән көчле җил көтелә
Скопировать ссылку
Бүген көндез һәм кич Татарстанда томан төшүе көтелә. Бу хакта Татарстан Гидрометеорология һәм әйләнә-тирә мохитне күзәтү үзәгендә кисәттеләр.
Моннан тыш, якшәмбе, 24 ноябрьдә, төнлә һәм көндез республикада көчле җил фаразлана. Аның тизлеге секундына 15-20 метрга, ә урыны белән 23 метрга кадәр көчәергә мөмкин. Казанда җилнең тизлеге секундына 23 метрга җитәчәк.
Синоптиклар киләсе атна башында Татарстанда салкыннар башланачагы турында хәбәр иткән иде.