Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Киберэксперт мошенникларның биш яңа схемасы турында кисәтте
Мошенникларда алдауның биш яңа схемасы барлыкка килде. Берсе янәсе бергәләп фильмны онлайн карау белән бәйле. Бу хакта «Ышанычлы хезмәттәшлек технологияләре» компетенцияләр үзәге директоры урынбасары Руслан Пермяков хәбәр итте. Аның сүзләрен RT китерә.
«Кыз бергәләп онлайн фильм карарга чакыра» дигән ялган белдерү чыга. Корбанга сылтама буенча күчәргә һәм «подписка» өчен түләргә тәкъдим итәләр. Түләгәннән соң, әлбәттә, керү мөмкинлеген ябалар, ә акча юкка чыга», — дип сөйләде эксперт.
Шулай ук аферистлар дәүләт органнарының һәм лотереяләрнең фейк сайтларын булдыра. Алар аша корбаннарга сылтамалар җибәрәләр, түләүләр яки яңа серияләргә керү вәгъдә итәләр. Әмма практикада зыян күрүчене бары тик мәгълүматлар таралу гына көтә.
Моннан тыш, мошенниклар абитуриентларны «яңача» алдалый башлады: аларга шалтыраталар һәм югары уку йортында бюджет урынына керү өчен ниндидер анкета тутырырга чакыралар. Тутырылган анкетага СМС аша имза куярга сорыйлар, әмма нәтиҗәдә бу ысул белән алдакчылар «Дәүләт хезмәтләре»нә керү мөмкинлегенә ия була.
Шулай ук эксперт үз счетлары аша урланган акчаларны чыгара торган дропперлар турында онытмаска чакырды.
Алдауның бишенче схемасында алмаш номерлардан мошенниклар корбанга янәсе «Дәүләт хезмәтләре»ннән яки банклардан җитди янаулар белән яки ашыгыч шалтыраталар. Янаулар һәм манипуляцияләр ярдәмендә аферист корбанга басым ясый һәм шәхси мәгълүматларны, парольләрне яки смс-кодларны урлый.
Кызыклы яңалыкларны күзәтеп бару өчен Телеграм-каналга язылыгыз