Спорт 10 ноябрь 2014 11:37

КХРның Шаньдун провинциясе һәм ТР Яшьләр эшләре һәм спорт министрлыгы хезмәттәшлек турында фикер алышачак

2014-2016 нчы елларда спорт өлкәсендәге хезмәттәшлек буенча өстәмә килешү мәсьәләләре турында фикер алышу булачак.

Скопировать ссылку

(Казан, 10 ноябрь, “Татар-информ”). Иртәгә, 11 нче ноябрь көнне 12 сәгатьтә, ТР Яшьләр эшләре һәм спорт министрлыгы конференц-залында Кытай Халык Республикасы Шаньдун провинциясенең Физик тәрбия һәм спорт эшләре буенча комитеты һәм ТР Яшьләр эшләре һәм спорт министрлыгы арасында хезмәттәшлек кысаларында “түгәрәк өстәл” утырышы узачак.

Чарада ТР яшьләр эшләре һәм спорт министры Владимир Леонов, аның беренче урынбасары Хәлил Шәйхетдинов, спорт төрләре буенча спорт федерацияләре вәкилләре, Шаньдун провинциясенең спорт буенча идарәсе секретаре урынбасары Ван Янкуй, Шаньдун провинциясенең гандбол ассоциациясе рәисе урынбасары Сун Цзинго һәм башкалар катнашачак. Бу хакта ТР Яшьләр эшләре һәм спорт министрлыгының рәсми сайтында хәбәр ителә.

“Түгәрәк өстәл”дә 2014-2016 нчы елларда спорт өлкәсендәге хезмәттәшлек буенча өстәмә килешү мәсьәләләре турында фикер алышу булачак.

Өстәмә килешүне имзалауның максаты квалификацияле спортчылар һәм белгечләр, тренировкалар процессын уздыруда тәҗрибә алмашуны күздә тота.

Сәхифәләр

КХРның Шаньдун провинциясе һәм ТР Яшьләр эшләре һәм спорт министрлыгы хезмәттәшлек турында фикер алышачак