КХЛ киләсе сезонда дүртәр клублы алты дивизионга бүленәчәк
Бүген Мәскәүдә КХЛ Директорлар советы утырышы узды.
Скопировать ссылку
(Казан, 13 декабрь, «Татар-информ»). Континенталь хоккей лигасы 2018-2019 елгы сезонда дүртәр клублы алты дивизионга бүленәчәк. Бу хакта журналистларга КХЛ президенты Дмитрий Чернышенко белдерде, дип яза ТАСС агентлыгы.
Бүген Мәскәүдә КХЛ Директорлар советы утырышы узды.
“Даими чемпионатта 60 уен калдырабыз, лига географиясе киңәячәк. Киләсе сезоннан дүртәр клублы 6 дивизион булачак”, – дип сөйләде Чернышенко.
Исегезгә төшерәбез, хәзерге вакытта лига дүрт – Бобров, Тарасов, Харламов һәм Чернышев дививизионнарына бүленгән. Аларның Бобров дивизионыннан кала һәрберсендә 7шәр команда тупланган, ә Бобров дивизионында командалар саны 1гә азрак.