КХЛ чемпионатында бүген Татарстан командалары үзара очраша
Быелгы сезонда өстенлек «Нефтехимик» ягында.
Скопировать ссылку
(Казан, 20 декабрь, «Татар-информ»). Бүген Континенталь хоккей лигасы даими чемпионатында Татарстан командалары үзара очраша: Түбән Камада «Нефтехимик» белән «Ак Барс» уены 19.00 сәгатьтә башлана.
Быелгы чемпионатта көндәшләр үзара бер тапкыр очрашты инде – 2 декабрьдә Казанда узган матч «Нефтехимик» файдасына төгәлләнде (2:1).
Россия чемпионаты тарихында «Ак Барс» һәм «Нефтехимик» үзара 73 мәртәбә очрашкан: 48 уен Казан командасы файдасына төгәлләнсә, 20 матчта «Нефтехимик» өстен чыккан, 5 очрашу тигез исәпкә төгәлләнгән.
Бүгенге очрашу алдыннан «Ак Барс» исәбендә 42 матчтан соң – 79, бер уен азрак уздырган «Нефтехимик»ның 73 очкосы бар.