Җәмгыять 25 сентябрь 2018 21:24

КФУ ректоры урынбасары гомер озынлыгын арттыру галимнәр белән табибларга бәйле, дип саный

Р.Миңнеханов йөкләмәсе буенча эшләнгән медицина фәннәрен үстерү программасы Татарстанга үлемнең югары күрсәткечләре проблемасын хәл итәргә ярдәм итә.

Скопировать ссылку

(Казан, 25 сентябрь, «Татар-информ»). Гомер озынлыгын арттыру галимнәр белән табибларның җайга салынган эшенә бәйле, дип белдерә ректорның биомедицина юнәлеше буенча урынбасары, Казан федераль университетының Фудаменталь медицина һәм биология институты директоры Андрей Киясов.

«Рөстәм Миңнеханов медицина фәннәрен үстерү программасын эшләргә йөкләмә бирде. Күп нәрсә эшләнгән инде. Әмма тикшеренүләр һәм медицина фәннәре бердәм базасы кебек яңа эшләнмәләр кирәк. Без программаны 2-3 ай эшлибез, алга таба гамәлгә ашыра башлыйбыз. КФУ, КДМУ, КДМА тикшеренүләрен һәм табиблар мәгълүматларын бергә җыярга кирәк. Бергә эшләячәкбез һәм фәнне үстерәчәкбез, шул исәптән кеше гомере озынлыгын да арттырабыз», – дип билгеләп үтте агентлык әңгәмәдәше.

Татарстан Президенты Рөстәм Миңнеханов Татарстан Дәүләт Советына Юлламасында республиканың төп бурычларының берсе буларак кеше гомерен озайтуны билгеләде. Ул кан әйләнеше системасы һәм яман шеш авыруларыннан үлүчеләр санын киметүне йөкләде.

#еллык юллама #гомер озынлыгы

Сәхифәләр

КФУ ректоры урынбасары гомер озынлыгын арттыру галимнәр белән табибларга бәйле, дип саный