Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
КФУ профессоры гыйнварда һәм февральдә фаразланган явым-төшем күләмен әйтте
Гыйнварда уртача тәүлеклек температура -10, -11 градус салкын булыр дип көтелә.
(Казан, 29 декабрь, «Татар-информ», Гөлнар Гарифуллина). КФУның метеорология, климатология һәм атмосфера экологиясе кафедрасы мөдире, профессор Юрий Переведенцев әйтүенчә, 2021 елда гыйнвар һәм февраль айларында явым-төшем аз булыр дип фаразлана. Бу хакта ул матбугат конференциясендә сөйләде.
Аның сүзләренчә, климатик исәпләүләр буенча, гыйнвар һәм февраль — елына иң аз явым-төшемле, коры айлар. Гыйнварда уртача 33 мм, февральдә 28 мм кар төшә, диде ул.
«Әгәр Себер антициклоны булса, явым-төшемнәр булмаячак. Бүген дә без антициклон үзәгендә, шуңа күрә һава торышы климатик нормадан 4-5 градуска түбәнрәк, явым-төшем дә аз, һава басымы да күтәрелгән», — диде. Белгеч декабрьдә дә явым-төшем айлык норманың яртысын тәшкил иткәнен әйтте.
Юрий Переведенцев былтыр декабрьдә төньяк Атлантика тәэсирендә яшәгәнебезне искәртте. «Шуңа күрә җепшек һәм яңгырлы иде, кар да аз булды», — диде.
Профессор гыйнварда уртача тәүлеклек температура -10, -11 градус салкын булачагын әйтте. «Гыйнвар азагы-февраль башында салкыннар әле булачак, февраль уртасыннан инде кояш нурлары тәэсирендә һава җылына башлаячак. Гидрометеорология үзәге февраль–март айларында аномаль җылы булыр дип күрсәтә», — диде.
Кызыклы яңалыкларны күзәтеп бару өчен Телеграм-каналга язылыгыз