КФУ Кытайда һәм Бәйсез дәүләтләр бердәмлеге илләрендә филиалларын ачарга әзерләнә
Ректор Илшат Гафуров бу эш белән 2019 елда шөгыльләнәчәкләрен белдерде.
Скопировать ссылку
(Казан, 23 гыйнвар, "Татар-информ", Лилия Локманова). Казан федераль (Идел буе) университеты Кытайда һәм Бәйсез дәүләтләр бердәмлеге илләрендә филиалларын булдырачак. Бу хакта бүген "Татар-информ" мәгълүмат агентлыгы уздырган матбугат очрашуында уку йортының ректоры Илшат Гафуров хәбәр итте.
"Безгә Кытайда һәм БДБ илләрендә филиаллар ачу тәкъдиме ясалды. 2019 елда без шуның белән шөгыльләнәчәкбез", - диде югары уку йорты җитәкчесе.
Илшат Гафуров сүзләренчә, хәзер КФУда дөньяның 98 иленнән 7 меңнән артык студент белем ала.
"Бу күрсәткечне без белем бирү учреждениеләре базарында югары уку йортына булган ихтыяҗ итеп кабул итәбез", - дип бәяләде ректор.