Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
КФУ галиме Татарстанда еш күзәтелә башлаган төньяк балкышының куркынычы хакында кисәтте
Соңгы елларда Татарстанда төньяк балкышы еш күзәтелә башлады. Элегрәк безнең киңлекләрдә сирәк күзәтелгән әлеге күренешнең югары ешлыгы Җирнең магнит кыры көчсезләнүе һәм кеше өчен куркыныч тудырган кояш җиле йогынтысыннан җитәрлек дәрәҗәдә сакланмавы хакында сөйли. В.П.Энгельгардт исемендәге Астрономия обсерваториясе директоры, КФУның астрономия һәм космик геодезия кафедрасы профессоры Юрий Нефедьев шулай дип белдерде.
Шушы көннәрдә төньяк балкышын Саба, Тукай һәм Әгерҗе районнарында фотога төшереп алганнар. Табигать күренешенә Кояштагы кабынулар сәбәпче булган.
«Магнит давыллары көч магнит линияләренең Кояштагы бер таптан чыгып, икенче тапка керүе сәбәпле барлыкка килә, шуның нәтиҗәсендә кояш материясе кысыла һәм шартлау барлыкка килә. Бу процесста корылган кисәкчекләр агымы – кояш җиле аерылып чыга, ул Җирнең магнит линияләрен тишәргә һәм һаваны ионлаштырырга сәләтле. Төньяк балкышы – ионлаштырылган һава ул», - диде белгеч.
Ул төньяк балкышының төрле төсләрдә булырга мөмкин икәнлеген искәртте. Шул ук вакытта, аның төсмерләре атмосфераның пычрану дәрәҗәсе һәм составына бәйле.
Кызыклы яңалыкларны күзәтеп бару өчен Телеграм-каналга язылыгыз