Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
КФУ галиме бу кышта карның аз булуы алдагы уңышта ничек чагылыш табачагын аңлатты
Гыйнвар нәтиҗәләре буенча Казанда явым-төшемгә кытлык күзәтелә. Әгәр февраль һәм мартта вазгыять үзгәрмәсә, бу авыл хуҗалыгында тискәре чагылыш табачак. КФУ профессоры, география фәннәре докторы Юрий Переведенцев «Татар-информ» агентлыгына шулай дип белдерде.
«Кышның беренче аенда кар бик аз, бары тик 18 миллиметр (норма – 50 миллиметр) гына булды. Явым-төшем кытлыгы февраль аенда тулыланырмы? Моңа бик шикләнәм. Циклоннар даими рәвештә килә һәм без алардан читтә калабыз, явым-төшем төньякка китә», - дип искәртте ул.
Галим аңлатканча, вегетация чоры һәм уртача айлык температура арту фонында метеорологлар соңгы елларда явым-төшемнең җитәрлек булмавын билгеләп үтә. Кар кытлыгы булачак уңышта тискәре чагылыш табарга мөмкин.
«Явым-төшем күләме кими, корылык күзәтелә – боларның барысы да авыл хуҗалыгы үсешенә начар йогынты ясый. Обнинскидагы Бөтенроссия авыл хуҗалыгы метеорологиясе фәнни-тикшеренү институтында эшләүче коллегаларым климат шартлары һәм корылык аркасында уңыш күләме 3 процентка кимүен дәлилләгән», - дип искәртте Юрий Переведенцев.
Кызыклы яңалыкларны күзәтеп бару өчен Телеграм-каналга язылыгыз