Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
КФУ доценты: Татарстанга җәй бер атнага иртәрәк килергә мөмкин
Метеорологик җәй Татарстанга бер атнага иртәрәк — майның егермеләре тирәсендә килергә мөмкин. КФУның Экология һәм табигатьтән файдалану институтының метеорология, климатология һәм атмосфера экологиясе кафедрасы доценты Тимур Әүхәдиев шул турыда сөйләде.
«Без моны якынча бер атнага, декадага бәялибез. Температура климат нормасыннан якынча бер градуска югарырак булыр дип көтелә», — дип сөйләде эксперт.
Озак вакытка исәпләнгән фараз нигезендә, июнь һәм август климат нормасы чикләрендә, ә менә җәйнең икенче ае салкынрак, нормадан бераз түбәнрәк булачак.
«Әмма бу ай климатик нормадан калышачак дигән сүз түгел, бу уртача күрсәткеч. Бу җәйдә стандарт җәйге һава торышы да, эссе көннәр дә булачак», — дип сөйләде Әүхәдиев.
Доцент сүзләренчә, һава торышы формалашканда төп рольне циркуляция башкара. Әүхәдиев шулай ук кызыклы тенденцияне билгеләп үтте - көньякта температура күрсәткечләре төньяктагыга караганда түбәнрәк. Моның сәбәбе - көчле антициклон. Ул көньякка салкын, төньякка чагыштырмача җылы һава массаларын китерә, дип хәбәр итә Казан федераль университетының мәгълүмат үзәге.
Кызыклы яңалыкларны күзәтеп бару өчен Телеграм-каналга язылыгыз