Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кертемчеләрнең өчтән бере банктан акчасын берьюлы алырга теләсә, банк “ишелә” – Игорь Кох
Татарстан икътисадчысы халыкка “Татфондбанк” белән бәйле вазгыять уңаеннан хафаланмаска киңәш итте.
(Казан, 16 декабрь, “Татар-информ”, Гөлнар Гарифуллина). Татарстанда “Татфондбанк” белән бәйле вазгыятьне һаман саен тибрәтеп тормасак, бернинди куркыныч тумаячак. Казан федераль университеты профессоры, икътисад фәннәре докторы Игорь Кох шулай дип саный. Бу хакта ул “Татар-информ” агентлыгы хәбәрчесенә әйтте.
“Физик затларның 1 миллион 400 мең сумга кадәр акчасы иминиятләштерелгән. Банк ябылган, лицензиясе алынгач очракта да, физик затлар 2-3 атнадан соң барыбер акчаларын алачак. Алар беркая китми", - дип ышандыра Игорь Кох. Аның фикеренчә, хәвефле гамәлләр белән шактый тотрыклы булган банкны да эштән чыгарырга була. “Әгәр кертемчеләрнең өчтән бер өлеше булса да берьюлы банктан акчасын алырга теләсә, билгеле, банк “җимерелә”. Бу күтәрә алмаслык күләм. Халыкка хафаланмаска киңәш итәм. “Татфондбанк”тан кала башка бернинди банкның да кризиста катнашы юк. Россия банкларының бигрәк тә. Бернинди куркыныч әйбер юк”, - дип, икътисадчы татарстанлыларга тыныч, түземле булырга киңәш итте.
Игорь Кох әйтүенчә, паника нәтиҗәсендә башка банкларга да зыян килергә мөмкин, ә аларның берсенең дә бу вазгыятьтә катнашы юк. “Әгәр вазгыятьне гел кузгатып тормасак, берни булмаячак”, - ди ул.
Кызыклы яңалыкларны күзәтеп бару өчен Телеграм-каналга язылыгыз