Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Керәшен чибәре» конкурсында җиңүчеләр Мамадыш районы Җөри авылында Питрауда билгеле була
«Керәшен чибәре» республикакүләм матурлык һәм талант конкурсының җиңүчесе 15 июль көнне Мамадыш районының Җөри авылында Питрау бәйрәмендә билгеле булачак. Бу хакта «Туганайлар» сайтында хәбәр ителә.
«Керәшен чибәре» конкурсы керәшен этник культурасының бай мирасы белән якыннан таныштыру, яшьләрне үз телебездә аралаштыру, керәшен гадәтләрен һәм йолаларын өйрәнеп, аларны киләчәктә дә саклауларына ирешү, төбәкләрдәге керәшеннәр арасында ныклы элемтә булдыру, матурлык, талант, акыл һәм миллилек сыйфатлары аша керәшен кызы образын булдыру максаты белән оештырыла.
Конкурс республика керәшеннәренең иҗтимагый оешмасы һәм Мамадыш муниципаль районы җитәкчелеге тарафыннан оештырыла.
«Керәшен чибәре» конкурсында, гаилә хәленә бәйсез рәвештә, туган телдә яхшы сөйләшә алган 18-28 яшьлек керәшен кызлары катнаша. Конкурста катнашучылар керәшен милли киеменнән булырга тиеш. Конкурс 8 сынаудан торачак.
Конкурска нәтиҗә ясалып, «Керәшен чибәре» титулына ия булучылар игълан ителәчәк. Аларның берсе – Татарстан күләмендәге «Керәшен чибәре», ә икенчесе – Мамадыш муниципаль районының «Керәшен чибәре». Аларның икесенә дә күчмә таҗ, җиңүче дипломы һәм бүләк тапшырыла. Икенче, өченче урынны алучы чибәрләрне дә махсус диплом, бүләк көтә. Башка номинацияләрдә җиңгән конкурсантларга да диплом һәм махсус бүләкләр биреләчәк.
Конкурста катнашу өчен гариза 1 июньгә кадәр кабул ителә.
Кызыклы яңалыкларны күзәтеп бару өчен Телеграм-каналга язылыгыз