Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Кемерово татарлары Татарстан делегациясен чәкчәк һәм гармун белән каршы алды
Сабантуй 26-27 июнь көннәрендә Кемерово шәһәрендә Кузбассның 300 еллыгына багышлап уздырыла.
(Казан, 25 июнь, «Татар-информ», Рузилә Мөхәммәтова). Кемерово татарлары Татарстан делегациясен аэропортта чәкчәк һәм гармун белән каршы алды.
Татарстан делегациясе Халыкара Шахтерлар Сабантуена Кемеровога килеп төште. Делегациядә бәйрәм барышын яктыртып бару өчен «Татар-информ» хәбәрчеләре дә бар.
«Безнең „Дуслык“ ансамбленә - 30 ел. Анда утызлап кеше йөри. Бүген бик рәхәтләнеп Татарстан делегациясен каршы алдык. Сабантуйда да чыгыш ясаячакбыз», - диде ансамбль артистлары.
Сабантуй 26-27 июнь көннәрендә Кемерово шәһәрендә Кузбассның 300 еллыгына багышлап уздырыла. Сабантуйга Татарстаннан 265 кеше килеп төште.
Бәйрәм программасында төрле чаралар: иҗат коллективларының концерт чыгышлары, милли көрәш, милли хуҗалыклар күргәзмәләре, кунаклар өчен конкурслар, ат чабышлары һ. б. планлаштырылган.
2010 елгы халык санын алу мәгълүматлары буенча Кузбасста 40 меңнән артык татар яши.
Кызыклы яңалыкларны күзәтеп бару өчен Телеграм-каналга язылыгыз