Татар дөньясы 27 декабрь 2023 11:31

Кемерово өлкәсендә «Куzбасс, алга!» беренче татар яшьләре форум-интенсивы узды

Скопировать ссылку

Кемерово өлкәсенең «Томская Писаница» музей-тыюлыгында «Куzбасс, алга!» беренче татар яшьләре форум-интенсивы узды. Бу хакта Бөтендөнья татар конгрессының матбугат хезмәте хәбәр итә.

Форумны татарларның төбәк милли-мәдәни автономиясе Кузбасс Мәдәният һәм милли сәясәт министрлыгы ярдәмендә оештырды. Төбәкнең төрле муниципаль берәмлекләрен тәкъдим итүче яшьләр татар мәдәниятен популярлаштыру мәсьәләләре хакында фикер алышу, заманча онлайн-сервислар һәм кушымталар ярдәмендә татар телен өйрәнү өчен җыелды.

Очрашуда катнашучыларга татар ашлары хакында сөйләделәр, өй токмачы әзерләү буенча мастер-класс үткәрделәр.

Интенсивта катнашучылар телне өйрәнү буенча заманча интернет-платформаларга карата аеруча зур кызыксыну белдерде. Форумнан соң тел өлкәсендәге белем һәм күнекмәләрен үстерү өчен тәкъдим ителгән вариантлардан һичшиксез файдаланачакларын әйттеләр, диелә хәбәрдә.

#кузбасс татарлары

Сәхифәләр

Кемерово өлкәсендә «Куzбасс, алга!» беренче татар яшьләре форум-интенсивы узды