Кемерово өлкәсе Сабан туенда татар милли киемнәре бәйгесе була
21 июльдә Новокузнецкида Алюминщиклар бакчасында Сабан туе була.
Скопировать ссылку
(Казан, 18 июль, “Татар-информ”). Кемерово өлкәсендә Сабан туенда татар халкының милли киемнәре һәм ишегалды конкурсы үткәреләчәк. Бу турыда "Кемерово өлкәсе хәбәрләре" яза.
- 21 июльдә Новокузнецкида Алюминщиклар бакчасында Сабан туе була. Бәйрәм 11.00 сәгатьтән 16.00 сәгатькә кадәр дәвам итәчәк.
Төп сәхнәдә татар һәм рус коллективлары катнашында бәйрәм концерты була. Тамашада “Артур-Марат” музыкаль дуэты катнашыр дип көтелә.
Паркта кунаклар өчен күңел ачу һәм уен мәйданыклары оештырылачак. Көрәш ярышлары узачак. Милли киемле курчаклар күргәзмәсе дә оештырылачак, диелгән әлеге хәбәрдә.
Чарада 2 меңгә якын кеше, шул исәптә Кемерово өлкәсенең башка шәһәрләреннән делегацияләр катнашачак.