Хәвеф-хәтәр 31 март 2018 14:19

Кемерово Дәүләт төзелеше күзәтчелек хезмәте җитәкчесе Мәскәүгә качкан булган

Тәнзилия Комкова, Кемеровога кайтартылып, кулга алынган.

Скопировать ссылку

(Казан, 31 март, “Татар-информ”). Кемеровода Россия дәүләт төзелеше күзәтчелек федераль хезмәте инспекциясе башлыгы Тәнзилә Комкованы кулга алганнар. Ул тикшерүдән Мәскәүгә качкан булган. Аны мәҗбүри рәвештә Кемеровога кайтарганнар. Бу хакта “Интерфакс” хәбәр итә.

Бүген Кемерово үзәк район суды Россия дәүләт төзелеше күзәтчелек федераль хезмәте инспекциясе башлыгы Тәнзилия Комкованы кулга алган. Ул вазифаи вәкаләтләрен арттырып куллануда гаепләнә.

Тикшерү фаразлары буенча, инспекция башлыгы законсыз рәвештә төзелгән “Зимняя вишня” сәүдә –күңел ачу үзәге бинасын файдалануны туктатуда бернинди чаралар күрмәгән.

Шуның өстенә, шикләнелүче тикшерүдән Мәскәүдә дус кызында качып яткан. Аннан ул Кемеровога мәҗбүри рәвештә кайтартылган.

Суд аны 25 майга кадәр сак астында калдыру карарын чыгарган.

“Татар-информ” бүген, 31 мартта “Зимняя вишня” сәүдә үзәге җитәкчесе кулга алынганлыгын җиткергән иде.

#кемероводагы янгын

Сәхифәләр

Кемерово Дәүләт төзелеше күзәтчелек хезмәте җитәкчесе Мәскәүгә качкан булган