Авыл 2 ноябрь 2016 01:10

Кече Әтнәдә чүплек оясына әверелгән чишмә үзара салым акчасына төзекләндерелә

Чишмә авылның ике як ярын тоташтырачак, бик матур ял паркы да булачак.

Скопировать ссылку

(Әтнә районы, 2 ноябрь, “Татар-информ”, “Әтнә таңы”, Сүрия Мингатина). Соңгы вакытта районыбызда төзекләндерү эшләре колач алды. Барысы да референдум нигезендә җыелган үзара салым акчасына төзелә, дип яза “Әтнә таңы” газетасы.

Татарстанның Кече Әтнә авылында чишмә булачагы билгеле иде, ләкин халык бу дәрәҗәдә үк шәп буладыр дип күзалламагандыр. Әлеге чишмә авылның ике як ярын тоташтырачак, бик матур ял паркы да булачак. Коесы, чишмәсе янәшә буласы, хәер, аларының да бер өлеше эшләнгән. Ә ярдан уңайлы баскычлардан күтәреләсе. Бүгенгә байтак эше башкарылган инде, баскычлар әзер, чишмә урыны бар, тигезләү эшләре бара. Техника да җитәрлек, – Арчадан ук килеп эшлиләр икән. Акчасы булган саен килеп эшлибез инде, диләр алар.

“Яшерен-батырын түгел, элек чүп урыны иде бу. Менә тиздән фотога төшәргә килерләр, су алып, төзүчеләргә рәхмәт укырлар", – ди Олы Әтнә авыл җирлеге башкарма комитеты җитәкчесе Ринат Мөхәмәдҗанов.

#Әтнә районы #үзара салым

Сәхифәләр

Кече Әтнәдә чүплек оясына әверелгән чишмә үзара салым акчасына төзекләндерелә