Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
КДТУ (КХТИ)да Казан студентлары арасында дебатлар буенча II ачык турнир уза
Анда 17 югары уку йортыннан 42 команда катнаша
(Казан, 28 гыйнвар, «Татар-информ», Миләүшә Низаметдинова). Бүген Казан дәүләт технология университетында Казан шәһәре югары уку йортлары студентлары арасында дебатлар буенча II турнирны ачу тантанасы бара.
Республика башкаласындагы 17 югары уку йортыннан 42 команда катнашында уздырыла торган ачык дебатлар кысаларында, анда былтыргы дебатларда җиңгән студентлар да катнаша, «РФ Конституциясенә пенсионерларның сайлау хокукын чикләү турында үзгәрешләр кертү кирәк» темасына презентацион уен үткәрелә, дип хәбәр итә турнирны оештыручылардан Казан шәһәре Башкарма комитетының балалар һәм яшьләр эшләре буенча комитеты рәисе Линар Закиров. Судьялар коллегиясенә тагын шәһәр Башкарма комитетының кадрлар сәясәте идарәсе башлыгы Гөлнара Мусина, ТР Үзәк сайлау комиссиясенең оештыру-хокук бүлеге җитәкчесе Александр Дыньков, «Спортның экстремаль һәм заманча төрләре федерациясе» иҗтимагый оешмасы җитәкчесе Ярослав Муравьев кертелгән.
Югары уку йортларын тәмамлап чыккан яшь белгечләр, уңышлы карьера төзү өчен, алган белемнәр генә җитеп бетмәвен аңлый, шуны исәпкә алып, парламент дебатлары хәрәкәте әле былтыр гына активлашып китеп, шәһәр күләмендәге чарага әйләнде. Моның белән яшьләр бик кызыксына, чөнки дебатларда алган тәҗрибә командада эшләргә, стратегик һәм аналитик фикер йөртергә, тиз арада хәл кыла белергә, тел шомартырга өйрәтә, оештыручанлык һәм лидерлык сыйфатлары тәрбияли, дип белдерә Л.Закиров.
Кызыклы яңалыкларны күзәтеп бару өчен Телеграм-каналга язылыгыз