Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казахстанның Казандагы Генераль консулы: Тукай мирасы халыкларны берләштерә
Татарстан башкаласында Габдулла Тукайның 140 еллыгына багышланган бөтенроссия фәнни конференциясендә Казахстанның Казандагы Генераль консулы Ерлан Искаков видеосәламләү белән чыгыш ясады. Дипломат бөек татар шагыйренең мәдәни мирасын саклауның мөһимлеген билгеләп үтте һәм Татарстан белән Казахстан арасындагы тарихи элемтәләрне ассызыклады.
«Татар халкының бөек улы Габдулла Тукайның тууына 140 ел тулуга багышланган әлеге күренекле фәнни очрашуда сезне Казахстан Генераль консуллыгы исеменнән сәламләү минем өчен зур мәртәбә. Конференцияне оештыручыларга сайланган тема өчен чын күңелдән рәхмәт белдерергә рөхсәт итегез. Коммеморация – ул үткәннәр турында хәтер генә түгел, ул чорлар арасында салына торган тере күпер», – дип билгеләде Искаков.
Ул Тукайның 12 ел гомерен Казахстан җирендә, Уральск шәһәрендә, үткәрүен искәртте. Шәхес нәкъ менә шунда типографиядә эшләргә өйрәнә һәм «Фикер» газетасын чыгара.
«Тукай безнең халкыбыз белән янәшәдә яшәп кенә калмаган, безнең мәдәният белән кызыксынган, безнең белән бергә чорның бер һавасын сулаган. Бу безнең өчен аеруча кадерле», - дип ассызыклады дипломат.
Искаков шулай ук шагыйрьнең казах эшлеклеләре белән дус булуына һәм аның төбәкнең тугандаш халыкларын үстерүгә юнәлтелгән белем бирү инициативаларында катнашуына игътибар итте.
«Безнең халыкларның дуслыгы – ул дипломатик мөнәсәбәтләр тарихы гына түгел, ә, барыннан да элек, кешеләр тарихы. Бу гади казах һәм татар кешеләрен бергә укырга һәм бергә киләчәк турында хыялланырга мәҗбүр иткән ихлас дуслык. Галимнәр, тарихчылар һәм мәдәният белгечләренең бүгенге диалогы – Тукай югары бәяләгән үзара баету традициясенең дәвамы», – дип билгеләде Исхаков.
Ул Тукайның беренче текстлары казах теленә 1912 елда ук тәрҗемә ителүен, ә Астана, Алмата, Уральск һәм башка шәһәрләрдә аның хөрмәтенә аталган һәйкәлләр, музейлар һәм урамнар булуын искәртте.
Кызыклы яңалыкларны күзәтеп бару өчен Телеграм-каналга язылыгыз