Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казахстанда су басу сәбәпле 10 меңнән артык кеше эвакуацияләнгән
Казахстанда 10 меңнән артык кеше су басу сәбәпле эвакуацияләнгән. Шуларның яртысы диярлек – балалар. Чаралар җиде өлкәдә күрелде, дип хәбәр итә ТАСС республиканың Гадәттән тыш хәлләр министрлыгына сылтама белән.
«Төркестан, Актүбә, Костанай, Көнбатыш Казахстан, Акмола, Олытау һәм Абай өлкәләрендә 10 587 кеше коткарылган һәм эвакуацияләнгән. Шуларның 5 101 – балалар. Вакытлыча урнаштыру пунктларында 5 497 кеше, шуларның 1 739 – Актүбә, Көнбатыш Казахстан, Акмола, Абай өлкәләрендә балалар», — дип билгеләп үтелә хәбәрдә.
Коткару операциясенә 6 меңнән артык кеше, 2 мең берәмлек техника һәм 12 һава судносы җәлеп ителгән.
Казахстан Президентының матбугат хезмәте хәбәр иткәнчә, Касым-Жомарт Токаев оператив киңәшмәдә Хөкүмәт һәм хакимнәрне гамәлләрен тәнкыйтьләгән, аларны ваемсызлыкта һәм профессиональсезлектә гаепләгән. Беренче вице-премьер Роман Скляр һәм су ресурслары һәм ирригация министры Нурҗан Нурҗигитовка каты шелтә белдерелә, ә берничә өлкә хакименә хезмәтнең тулысы белән үтәлмәве турында кисәтү ясала.
«Президент зыян күргән төбәкләрдә яшәүчеләрнең шәхси мөлкәтен югалтуларына борчылуын белдерде. Ул гафу үтенде һәм барлык зыян күрүчеләргә матди ярдәм күрсәтеләчәк дип ышандырды», — диелә Казахстан Хөкүмәте телеграм-каналында.
Кызыклы яңалыкларны күзәтеп бару өчен Телеграм-каналга язылыгыз