Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казахстанда Библияне казах теленә тәрҗемә иткәннәр
Казахстанның православие чиркәве Библияне казах теленә тәрҗемә иткән. Бу хакта «Интерфакс» агентлыгы Православие яңалыклары агентлыгына сылтама белән хәбәр итә.
«Проектның беренче этабында иң укыла торган Библия китаплары (Соломоновларның гыйбрәтле хикәяләре, Псалтырь һәм Матфей Инҗиле) тәрҗемә ителгән», - диелә хәбәрдә.
Проект Астана һәм Казахстан митрополиты Александрның инициативасы һәм хәер-фатихасы белән гамәлгә ашырылган.
Библиянең казах теленә тәрҗемәсе - Православие чиркәве яклавы белән казах белгечләре тарафыннан башкарылган тарихта беренче тәрҗемә. Аны казах теленә тәрҗемә итү омтылышлары элегрәк тә булган, әмма бу эшне казах милләтеннән булмаган, тел үзенчәлекләрен, казах мәдәни кодын тирәнтен белмәгән Көнбатыш Европаның дингә өндәүчеләре башкарган, диелә хәбәрдә.
Изге китапларны тәрҗемә итүдә Халыкара тәрҗемәләр агентлыгы белгечләре көч куйган, ә тәрҗемә ителгән текстларны православие рухание, милләте буенча казах Елисей Кукеев редакцияләгән.
«Библия терминнарын тәрҗемә итү иң кыены булды. Аларга туры килгән сүзләрне табуы бик авыр, чөнки элек казах телендә кулланылмаганнар. Шунлыктан ныклап уйларга, төп нөсхәдәге мәгънәне мөмкин кадәр тулы ачып биргән сүзләрне сайларга һәм кулланырга туры килде», - дип искәртте Кукеев.
Китаплар параллель рәвештә казах һәм рус телендә фолиант рәвешендә нәшер ителгән. Бизәлешендә борынгы рус һәм казах мотивлары файдаланылган. Фолиант тулысынча диярлек (98 процент) кулдан эшләнгән, дип искәрттеләр Православие яңалыклары агентлыгында.
Кызыклы яңалыкларны күзәтеп бару өчен Телеграм-каналга язылыгыз