Казахстан өлкәсе хакиме Гауез Нурмөхәмбәтов: Сабантуй төрле милләт кешеләрен берләштерә
Төньяк Казахстан өлкәсе хакиме Гауез Торсан улы Нурмөхәмбәтов Петропавловскидагы Республика Сабан туен бәйрәм итүдә катнаша. Үзенең котлау чыгышында ул барлык кунакларны бәйрәм белән тәбрикләде.
«Мин сезне тугандаш татар халкының иң якты, үзенчәлекле һәм яраткан милли бәйрәмнәренең берсе — Сабантуй бәйрәме белән чын күңелдән котлыйм. Бу туган җир юмартлыгы, буыннар дәвамчанлыгы, бердәмлек һәм күршеләрчә тату яшәү символы булган бәйрәм. Ул төрле милләт кешеләрен тынычлык, үзара хөрмәт һәм иҗат кебек уртак кыйммәтләр тирәсендә берләштерә», – диде ул.
Хаким Сабантуйда Татарстан Республикасы Рәисе Рөстәм Миңнеханов җитәкчелегендәге Татарстан Республикасы делегациясенең катнашуы аерым әһәмият бирүен билгеләп үтте.
«Бу безнең өлкәбез өчен зур хөрмәт, шулай ук Казахстан белән Татарстанны бәйләп торган дуслык мөнәсәбәтләренең югары дәрәҗәдә булуын раслаучы тагын бер дәлил. Безнең дуслык уртак тарихка, үзара хөрмәткә һәм тыгыз мәдәни хезмәттәшлеккә нигезләнгән», – дип белдерде.
Төньяк Казахстан өлкәсе өчен Татарстан Республикасы ышанычлы партнер булып тора. «Безне уртак тарихи тамырлар, рухи якынлык кына түгел, икътисад, сәнәгать, авыл хуҗалыгы, мәгариф, фән, мәдәният, сәламәтлек саклау һәм цифрлы технологияләр өлкәсендә хезмәттәшлекне үстерүдә хезмәттәшлек тә берләштерә. Татарстан Россия Федерациясенең иң зур үсеш кичерүче төбәкләреннән берсе булып тора», — диде Гауез Торсан улы.