Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казахстан олигархлардан алынган 90 млн долларның бер өлешен су басуга каршы көрәшкә тота
Казахстан Хөкүмәте каршындагы Законсыз активларны кайтару буенча комиссия олигархларның законсыз юл белән сатып алган активларын дәүләт хисабын кайтарган. Алар 40 миллиард тенгедән артык (якынча 90 миллион Америка доллары, яки 8,3 миллиард сум) тәшкил итә. Бу хакта кабинетның Telegram-каналында хәбәр ителә.
- Тенге – Казахстанда акча берәмлеге, 1993 елда кертелгән.
Сүз 38 миллиард тенгедән артык акча һәм ил башкаласы Астанадагы бизнес-үзәк турында бара. Бизнес-үзәкнең бәясе 2 миллиард тенге. «Кайтарылган акчалар социаль максатларга, шул исәптән су басу нәтиҗәләрен бетерүгә юнәлдереләчәк», — дип билгеләп үтә Хөкүмәтнең матбугат хезмәте.
Моннан тыш, Казахстан Премьер-министры Олжас Бектенов җитәкчелегендәге комиссия 7 миллиард тенгегә инвестиция килешүләре имзалауны хуплады. Алар нигезендә «законсыз сатып алынган активларны дәүләткә кайтару турында»гы закон гамәленә эләккән затлар Астана һәм Шымкент шәһәрләрендә ике инфраструктура объекты төзергә тиеш.
«Активларны кайтару эше – дәүләт башлыгының [Касым-Жомарт Токаевның] социаль гаделлекне торгызу сәясәтен турыдан-туры тормышка ашыру ул», - дип ассызыклады Премьер.
Кызыклы яңалыкларны күзәтеп бару өчен Телеграм-каналга язылыгыз