Сәясәт 2 апрель 2024 20:06

Казахстан министрлыгы: Татарстанга һөҗүм иткән беспилотник Казахстаннан дигән сүз - фейк

Скопировать ссылку

Бүген кайбер Телеграм-каналларда Татарстан объектларына һөҗүм иткән пилотсыз очкычлар, янәсе Казахстан территориясеннән җибәрелгән дигән мәгълүмат чыкты. Казахстан Республикасы Саклану министрлыгында хәбәр итүләренчә, бу мәгълүмат дөреслеккә туры килми. Бу турыда «Татар-информ» яза.

«Мондый ялган сүзләр Казахстан Республикасын дискредитацияләүгә юнәлдерелгән. Шуңа бәйле рәвештә гражданнардан һәм массакүләм мәгълүмат чараларыннан таратылган имеш-мимешләргә җавап бирмәүләрен һәм бары тик рәсми мәгълүмат чыганакларына гына ышануларын сорыйбыз», диелгән ведомство хәбәрендә.

Искәртик, бүген иртән республиканың Алабуга һәм Түбән Кама предприятиеләренә пилотсыз очу аппаратлары (БПЛА) һөҗүм итте. Республика җитәкчесе матбугат хезмәте мәгълүматлары буенча, һөҗүм нәтиҗәсендә җитди җимерелүләр юк, предприятиеләрнең эше өзелмәгән.

Сәхифәләр

Казахстан министрлыгы: Татарстанга һөҗүм иткән беспилотник Казахстаннан дигән сүз - фейк