Икътисад 7 апрель 2005 15:53

"Казаньоргсинтез" производствосын үстерә

Скопировать ссылку

(Казан, 7 апрель, "Татар-информ", Әнвәр Маликов). 2005 елда "Казаньоргсинтез" ААҖ производствоны һәм продукция сатуны узган елгы күрсәткечне дүрттән бер өлешкә кадәр арттырырга планлаштыра, ул 14,468 миллиард сум тәшкил итәчәк, дип хәбәр итә компаниянең матбугат үзәге. Полиэтилен торбаларны чыгару 3 процентка арттыру карала, фенол һәм ацетонны - 7 процентка.

2004 ел йомгаклары буенча, предприятие производствоны 35,1 процентка арттырган - 11,8 миллиард сумга кадәр. Баланс кереме ике тапкырдан артыкка арткан һәм 2,7 миллиард сум тәшкил иткән. Узган ел салым һәм бюджетка күчерелгән акча 75,3 процентка артып, 1,84 миллиард сум булган. Сәнәгать-производство персоналының уртача хезмәт хакы 40 процентка диярлек артып, 12180 сумга җиткән.

Сәхифәләр

"Казаньоргсинтез" производствосын үстерә