«Казаночка» ике матчта җиңеп, Суперлига-1 чемпионатында алтынчы урынга күтәрелде
Тренер Петр Самойленко кул астында шөгыльләнүче спортчылар «Баскет-холл»ның кече залында Вологданың «Чеваката» клубын ике мәртәбә отты.
(Казан, 24 гыйнвар, «Татар-информ»). «Казаночка» баскетболчылары, Суперлига-1 даими чемпионатында ике тапкыр рәттән җиңүгә ирешеп, үз җанатарларын куандырды.
Тренер Петр Самойленко кул астында шөгыльләнүче спортчылар «Баскет-холл»ның кече залында Вологданың «Чеваката» клубын ике мәртәбә отты. Беренче очрашу – 69:64, икенчесе 59:50 исәбенә хуҗаларның җиңүе белән төгәлләнде.
Бу «Казаночка» командасына даими чемпионаттагы хәлен бераз яхшыртырга мөмкинлек бирде. Хәзер Казан клубы турнир таблицасында алтынчы урынны били.
26-27 гыйнварда исә «Казаночка» «Баскет-холл»ның кече залында Мәскәүнең «МБА-2» клубы белән очрашачак.