Җәмгыять 27 сентябрь 2024 07:51

Казанның яшүсмерләр клублары иҗат фестивале «Елмай» балалар паркында узачак

Скопировать ссылку

Шимбә көнне, 28 сентябрьдә, «Елмай» балалар паркында Казанның яшүсмерләр клубларының «Син кайда булсаң, без шунда!» иҗат фестивале узачак. Бу көнне чара кунаклары «Яшүсмер» оешмасы эшчәнлеге белән таныша алачак. Фестиваль күңелгә ятышлы эш табарга теләгән һәркемгә файдалы булачак.

Шәһәр халкы өчен коллективлар чыгышларыннан, гамәли иҗат мастер-классларыннан, спорт активлыгыннан һәм призлар уйнатудан торган программа әзерләнде.

Башлана – 17:00 сәгатьтә. Шәһәр халкын сәхнә янында көтәчәкләр, дип хәбәр ителә паркның telegram-каналында.

Татарстанда иң зур «Елмай» балалар паркы август ахырында Казансу ярында ачылды. Бу уникаль уен мәйданчыгы, яшел лабиринт, күзәтү һәм вакыйгалар зоналары. 3,4 гектар мәйданлы яңа иҗтимагый киңлек «УРАМ» экстрим-паркы һәм ТР Милли китапханәсе арасында урнашкан.

Сәхифәләр

Казанның яшүсмерләр клублары иҗат фестивале «Елмай» балалар паркында узачак