news_header_top
16+
news_header_bot
news_top

Казанның яңа хәрби госпитале махсус операциядә яраланган солдатларны кабул итәргә әзер

Казанның яңа хәрби госпитале Украинадагы сугыш хәрәкәтләре зонасында яраланган солдатларны кабул итәргә әзер. Үзәк хәрби округның Казандагы госпитале башлыгы Дамир Ижбердиев госпиталь ачылышында шулай дип белдерде.

«Без госпитальдә дәвалануның ахыргы стадиясен, тулысынча аякка басканчы тернәкләнү процедурасын узучы махсус хәрби операциядә катнашучылар белән эшләргә әзер. Аларга стройга әйләнеп кайтырга ярдәм итәчәкбез», - дип искәртте Дамир Ижбердиев.

Госпиталь хәрби хезмәткәрләр һәм аларның гаиләләре, шулай ук хәрби пенсионерлар һәм ветераннар өчен эшләячәк.

«Татар-информ» агентлыгы Татарстан Премьер-министры Алексей Песошин һәм РФ Кораллы көчләре Генераль штабы башлыгы Валерий Герасимовның Казанда яңа хәрби госпиталь ачуы хакында элегрәк хәбәр иткән иде.

news_right_1
news_right_2
news_bot