Казанның Шатурская урамын суүткәргеч ремонтлау өчен вакытлыча ябачаклар
Скопировать ссылку
Татарстан башкаласының Шатурская урамында транспорт хәрәкәтен бер айдан артыкка чикләячәкләр. Бу хакта Казан мэриясе матбугат хезмәте хәбәр итә.
Шәһәрнең Тышкы төзекләндерү комитетында аңлатуларынча, 12 майдан 26 июньгә кадәр Шатурская урамының Челюскин урамындагы 51 номерлы йорт тирәсендәге участогында хәрәкәт өлешчә ябылачак.
Бу суүткәргечне реконструкцияләү эшләре белән бәйле, дип аңлаттылар Татарстан башкаласы администрациясендә.
Исегезгә төшерик, апрель башында Шатурская урамында 1976 елда салынган канализация коллекторының өске өлеше җимерелү сәбәпле, җир убылды.