Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанның Мәскәү базарында шугалак ачылачак
20 декабрьдә 11:00 сәгатьтә Казанның Мәскәү базары территориясендә шугалак ачыла. Ул амфитеатр зонасында сынау режимында эшләячәк. Кышкы күңел ачу чарасы булган шугалак – Мәскәү базары һәм «Ак Барс» хоккей клубының уртак проекты. Бу хакта Казан мэриясе матбугат хезмәте хәбәр итә.
Шугалак киләсе елның февраль азагынача көн саен 9:00 сәгатьтән 21:00 сәгатькә кадәр ачык булачак.
Әйтик, дүшәмбедән җомгага кадәр 9:00–13:00 вакыт аралыгында теләге булган һәр кеше һәвәскәр хоккей уйный алачак. Эш көннәрендә ирекле шуу 13:00–21:00 сәгатьләргә, шимбә һәм якшәмбе көнне 9:00–21:00 вакыт аралыгына билгеләнгән.
Моннан тыш, шугалакта «Ак Барс» хоккей клубы белән уртак чаралар – уенчылар белән очрашулар, автограф-сессияләр һәм күнекмәләр уздырылачак.
Үз тимераякларың белән шугалакта бушлай шуу мөмкинлеге булдырылган. Киләчәктә тимераякларны прокатка бирү пункты ачылачак, дип хәбәр итә Мәскәү базары матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз