Казанның «КОС-Синтез» командасы су полосы буенча Россия Кубогына ия булды
Скопировать ссылку
Казанның «КОС-Синтез» командасы Әстерханда узган су полосы буенча Россия Кубогы финал ярышында җирле «Динамо-СШОР» командасын 11:6 исәбе белән җиңде.
Ярымфиналда Казан ватерполчылары Мәскәүнең «Восток» уенчыларын 17:10 исәбе белән җиңде. «Динамо-СШОР» Волгоградның «Спартак» командасын 14:12 исәбе белән җиңүгә иреште.
Ир-ат командалары арасында су полосы буенча Россия Кубогы Әстерханда 11-13 июнь көннәрендә узды.
«КОС-Синтез» ватерпол командасы инде өченче тапкыр рәттән Россия Кубогына ия булды. Үз тарихында Татарстан командасы әлеге трофейны җиде тапкыр яулады.
Видео: ТР Спорт министрлыгы матбугат хезмәте