Казанның Кабан арты мәчетен Малайзиядә халыкара күргәзмәдә күрсәттеләр
Казанның Кабан арты мәчете имамнары Хөсәен хәзрәт Зөфәров һәм Илдар хәзрәт Гарипов Куала-Лумпурда Малайзия халыкара ислам университетында узган LARAS – 26th Architectural Heritage Studies Exhibition Халыкара архитектура күргәзмәсендә катнашты. Бу хакта ТР Диния нәзарәте матбугат хезмәте хәбәр итә.
Күргәзмәдә Россиянең ислам архитектурасы һәм рухи мирасы үрнәге буларак, Кабан арты мәчете тәкъдим ителде.
Күргәзмәдә Малайзия һәм Россия вәкилләре, архитектура өлкәсендәге галимнәр һәм экспертлар катнашты.
Рәсми тантана кысаларында Казан имамнары шулай ук Король Галиҗәнапләре Тенгку Ампуан Паханг белән очрашты. Әңгәмә вакытында хәзрәтләр аны Татарстанга чакырды, диелә хәбәрдә.