news_header_top
Руc Тат
16+
news_header_bot
news_top
Җәмгыять 2 июль 2024 11:51

Казанның ике районында балтырган белән көрәшү өчен 800 мең сумнан артык акча бүлеп бирелә

Скопировать ссылку

Казанның Вахитов һәм Идел буе районнары территориясендә Сосновский балтырганы белән көрәшү өчен 810 мең сумнан артык акча кирәк, дип бәяләгәннәр. Бу хакта мәгълүмат дәүләт сатып алулары сайтындагы тендер материалларында күрсәтелгән, дип яза «Татар-информ» хәбәрчесе Динара Прокопьева.

Подрядчыдан балтырганны утильләштерү, чабу (кисү, казып алу) юлы белән территорияне чистарту һәм гербицидлар белән эшкәртү сорала. Сосновский балтырганы үскән территорияләрне чистарту механик һәм катнаш (механик һәм химик) ысуллар белән башкарыла. Эшләр махсус киемдә һәм су үткәрми торган костюм, резин итекләр, перчаткалар, саклагыч күзлек, респиратор яки битлек кебек шәхси саклану чараларын кулланып башкарылырга тиеш.

Агулы чүп үләне белән көрәшнең төп бурычлары – халык арасында травматизмны киметү, шулай ук җир участокларын комплекслы эшкәртү юлы белән җирләрнең сыйфатын яхшырту. Эшләрне башкару вакыты – контракт имзаланган көннән алып быелның октябрь уртасына кадәр.

  • Сосновский балтырганы кеше сәламәтлеге өчен зарарлы үсемлек. Үсемлекнең суы кеше тәненә эләккәннән соң берничә сәгатьтән тән тиресе кызара һәм кыза башлый, тире өслегендә кабарчыклар барлыкка килә. Бу очракта пешкән урынны сабын һәм су белән юарга, антисептик белән эшкәртергә, аннары табибка мөрәҗәгать итәргә кирәк. Балтырган таралган урыннарда профилактика өчен калын кием һәм күзлек кию зарур.

#Сосновский балтырганы
news_right_1
news_right_2
news_bot