Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанның «Елмай» паркында беренче Яңа ел балалар ярминкәсе узачак
Якшәмбе, 4 гыйнварда, «Елмай» паркында беренче Яңа ел балалар ярминкәсе була. Яшь казанлылар үзләрен эшмәкәрләр ролендә сынап карый алачак. Бу хакта Казан мэриясе хәбәр итә.
Катнашучылар үзләре бәяләр билгели, уенчыклар сата, китаплар һәм киемнәр белән алмаша алачак. Ярминкә балаларда финанс белеме һәм әйберләргә карата сакчыл мөнәсәбәт тәрбияләүгә юнәлтелгән. Ярминкәдә азык-төлек һәм эчемлекләр сату рөхсәт ителми, дип хәбәр иткән «Елмай» паркы матбугат хезмәте.
Яшь эшмәкәрләр үз образларына бәйрәм элементлары өсти һәм өстәлләрне Яңа ел стилендә бизи ала.
Катнашу өчен сылтама аша теркәлү таләп ителә. Теркәлгән катнашучыларга өстәл һәм урындык бирелә, әмма ярминкәдә үз җиһазларың белән дә катнашырга ярый.
Чара 13:00 сәгатьтә башлана.
Кызыклы яңалыкларны күзәтеп бару өчен Телеграм-каналга язылыгыз