Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанның «Черек күл» паркындагы шугалак өч көнгә ябыла
«Черек күл» паркындагы шәһәр шугалагы кышкы күңел ачу чараларын яратучылар өчен 14–16 гыйнвар көннәрендә ябык булачак. Шугалак үз эшен Бөтенроссия WinterFest кышкы фестиваленә әзерлек эшләре алып барылу сәбәпле туктатып тора. Бу хакта Казан мэриясе матбугат хезмәте хәбәр итә.
Инде иртәгә үк шугалакта боз катыру эшләре башлана, шуннан соң белгечләр фестивальне үткәрү өчен кирәкле техник җайланмаларны кору эшенә керешәчәк. Парклар һәм скверлар дирекциясе шәһәр халкыннан, иминлекне саклау максатыннан, бу көннәрдә боз кырына чыкмауларын сорый.
Шугалакның ябылуы паркта җомга көнне узачак әһәмиятле зур чара белән бәйле. 16 гыйнварда «Черек күл» паркында WinterFest фестивале кысаларында Альфа-көн уздырыла.
Бәйрәм кунаклары өчен бай эчтәлекле программа әзерләнә: сәгать 12:00 дә фестиваль мәйданчыгы ачылачак, 19:00 сәгатькә билгеләнгән, дөнья күләмендә танылган фигуралы шуу йолдызлары катнашындагы боз тамашасы кичнең кульминациясе булачак.
Кызыклы яңалыкларны күзәтеп бару өчен Телеграм-каналга язылыгыз