Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанның 6,7 мең укучысы БДИга керергә рөхсәт алу өчен йомгаклау иншасы язачак
Татарстан башкаласында 3 декабрь көнне 6758 укучы инша язачак. Эш бердәм дәүләт имтиханына керү өчен рөхсәт булып тора. Нәтиҗәләр укучыларга биремне үтәгәннән соң ике атна эчендә игълан ителәчәк. Бу хакта Казан мэриясе хәбәр итә.
Инша язу өчен унберенче сыйныф укучыларына 3 сәгать 55 минут вакыт бирелә. Бу вакыт эчендә укучыларга тәкъдим ителгән темаларның берсен аңлатып язарга кирәк булачак. Йомгаклау иншасы 350 сүздән торырга тиеш.
Укучыларга «Кеше тормышында рухи-әхлакый кыйммәтләр», «Кеше тормышында гаилә, җәмгыять, Ватан», «Кеше тормышында табигать һәм мәдәният» темаларына инша язарга тәкъдим ителә.
Казан Мәгариф идарәсе хәбәр иткәнчә, темалар җыелмасы конфиденциаль рәвештә һәр сәгать поясы өчен аерым формалаштырыла. Инша темасы 15 минут алдан билгеле була.
Йомгаклау иншасының нәтиҗәләре эшне башкарганнан соң ике атна узгач билгеле булачак. Җитди сәбәп аркасында сынауга килә алмаган яки аны тиешле дәрәҗәдә язмаган укучылар иншаны кабат 2026 елның 4 февралендә һәм 8 апрелендә яза алачак.
Исегезгә төшерәбез, 2024 елда Казан мәктәпләренең 5561 укучысы йомгаклау иншасын язды.
Кызыклы яңалыкларны күзәтеп бару өчен Телеграм-каналга язылыгыз