Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанның 175нче гимназиясендә атыш оештыручының эше судка тапшырылды
Генераль прокуратура Казанның 175нче гимназиясендәге атыш турындагы эшне Татарстан Югары судына тапшырды. Ведомство сайтында шул хакта мәгълүмат чыккан.
Әлеге гимназияне тәмамлаган егеткә карата кеше үтерү һәм үтерергә омтылу, шулай ук законсыз рәвештә шартлаткыч матдәләр саклаган өчен гаепләү белдерелгән. Тикшерү версиясе буенча, 11 майда ул мәктәп бинасына бәреп керә һәм ут ача.
«Гаепләнүче «Колумбайн» субкультурасы белән кызыксынган һәм мәктәпләргә һөҗүм итү турында видеороликлар карау белән мавыккан. Видеороликларда үсмерләр корал һәм шартлаткыч матдәләр кулланган. Үзе күргәннәрне кабатларга теләп, гаепләнүче мәктәптәге берничә укучы һәм укытучыны үтерергә карар кылган. Моның өчен ул шартлаткыч матдә, әзер элементлар белән ярчыклы мина рәвешендәге кулдан ясалган шартлаткыч җайланма әзерләгән, шулай ук ау мылтыгы һәм аңа 505 патрон юнәткән», - дип ачыклык керттеләр ведомствоның матбугат хезмәтендә.
Мәктәпкә һөҗүм нәтиҗәсендә 9 кеше (җиде бала һәм ике укытучы) һәлак булды.
Кызыклы яңалыкларны күзәтеп бару өчен Телеграм-каналга язылыгыз