Казанның Зур концерт залында Альбина Шаһиморатова чыгыш ясаячак
Бүген Шаһиморатова Россиядә генә түгел, ә чит илдә дә әйдәп баручы вокалистларның берсе.
Скопировать ссылку
(Казан, 4 март, «Татар-информ»). 7 мартта Сәйдәшев исемендәге Зур концерт залында Александр Сладковскийның симфоник оркестры белән Татарстан Республикасы халык артисты Альбина Шаһиморатова концерты узачак. Бу хакта Татарстан Мәдәният министрлыгы матбугат хезмәте хәбәр итә.
Концерт Халыкара хатын-кызлар көненә багышлана. Кичәдә В.Беллини, Дж.Россини, И.Штраус, Б.Херрманн, И.Кальман, М.Понсе, Э.Тальяферри һәм башка авторларның әсәрләре яңгыраячак.
Бүген Шаһиморатова Россиядә генә түгел, ә чит илдә дә әйдәп баручы вокалистларның берсе. Ул Лондон, Милан, Нью-Йорк сәхнәләрен яулады.