Казанның зооботаника бакчасы 2018 елның май аенда ачылачак
Бүгенгә Мәскәүнең „МосБио“ компаниясе белән сөйләшенгән, майга кадәр бу эшләрне төгәлләү буенча килешү төзелгән.
(Казан, 15 декабрь, «Татар-информ», Егор Никитин). Казанлылар киләсе елның май аенда яңа зооботаника бакчасын күрә алачак. Бу хакта “Татар-информ” мәгълүмат агентлыгында матбугат конференциясендә Татарстан төзелеш, архитектура һәм ТКХ министры урынбасары Илшат Гимаев хәбәр итте.
“Төзелеш-монтажлау буенча төп эшләр бетте. Әмма бизәү эшләрен башкарасы бар, андый эшләрне Россиядә ике компания генә башкара. Берсе Ижевскида, икенчесе – Мәскәүдә. Бүгенгә Мәскәүнең „МосБио“ компаниясе белән сөйләшенгән, майга кадәр бу эшләрне төгәлләү буенча килешү төзелде”, - дип билгеләп үтте Гимаев.
Подрядчы зоопаркны тулысынча бизәячәк, диде ул. Төзелештә полимер бетон кулланыла, дип ачыклык кертте министр урынбасары.