Казанның “Зенит” волейбол командасы евросезонны җиңү белән башлады
"Зенит" волейболчылары "Франкфурт" командасын 3:0 исәбе белән отты.
(Казан, 21 ноябрь, “Татар-информ”, Гөлия Хәсбиуллина). Бүген Казанда “Зенит” волейбол командасы евросезонны җиңү белән ачып җибәрде. Евросезонның Чемпионнар лигасында "Зенит" беренче тапкыр Германиянең "Франкфурт" командасына каршы уйнады һәм көндәшләрен 3:0 хисабы белән җиңде.
Чемпионнар лигасында Европаның алдынгы командалары катнаша.
Уенның өч сетында да (партиясендә) өстенлекне Казанның “Зенит” волейбол командасы алды.
Беренче сет: 1-0 (25:18).
Икенче сет: 2-0 (25:17).
Өченче сет: 3-0 (25:13).
"Зенит" волейбол командасының старт составы: Мэтью Андерсон, Максим Михайлов, Вадим Лихошерстов, Алексей Самойленко, Лоран Алекно, Андрей Сурмачевский, Алексей Вербов, Валентин Кротков.