Мәдәният 28 декабрь 2017 13:29

Казанның яшь җырчысы «Яңа йолдыз» бәйгесендә чыгыш ясаячак

Конкурсның алдагы сезонында җиңүчеләр икәү булачак.

Скопировать ссылку

(Казан, 28 декабрь, «Татар-информ»). Казанның яшь җырчысы Рената Таҗетдинова «Яңа йолдыз» Бөтенроссия музыкаль бәйгесендә Татарстанны тәкъдим итәчәк, дип хәбәр итә ТР Мәдәният министрлыгының матбугат хезмәте.

Конкурсның өченче сезоны 2018 елның 1 гыйнварында старт ала. Алдагы сезонда җиңүчеләр икәү булачак. Тамашачылар СМС-тавыш бирү ярдәмендә (ул 5-7 гыйнвар көннәрендә уза) иң яхшы җырчыны сайлаячак. Икенче иң яхшы башкаручыны тамашачылар һәм музыкаль экспертлар билгели.

Рената Таҗетдинова 1999 елның 21 июлендә туган. Казанның 18нче мәктәбендә, 8нче балалар музыка мәктәбендә укыган, И.Әүхәдиев исемендәге Казан музыка көллиятенең беренче курсын тәмамлаган.

2017 елдан – Санкт-Петербург Дәүләт мәдәният һәм сәнгать институты (музыкаль эстрада сәнгате факультеты, Ольга Сафронова остаханәсе) студенты.

Рената 2012 елда балалар «Евровидение»сендә, 2015 елда «Голос. Дети» телепроектында катнашты.

#яңа йолдыз #новая звезда

Сәхифәләр

Казанның яшь җырчысы «Яңа йолдыз» бәйгесендә чыгыш ясаячак