Казанның Вахитов районының бер өлешендә су бирү вакытлыча туктатыла
Берничә йортта су булмаячак
(Казан, 30 сентябрь, «Татар-информ»). Иртәгә, 1 октябрьдә, Казан Вахитов районының бер өлешендә су бирү вакытлыча туктатыла, дип хәбәр итә бүген “Водоканал” МУП.
Тихомирный һәм Эсперанто урамнары киселешендә су белән тәэмин итү сыйфатын яхшырту өчен яңа суүткәргеч салынды, аны үзәк суүткәргечкә тоташтыру сәбәпле, Тихомирный урамы 2 йортына һәм Эсперанто урамы 8, 8а йортларына су җирү вакытлыча туктатыла.
Шулай итеп, бу йортларда 1 октябрьдә 9.00 сәгатьтән 2 октябрь 11.00 сәгатькә кадәр су булмаячак.
Сулы автоцистерналар гражданнар мөрәҗәгате буенча урнаштырылачак. “Водоканал” МУП вакытлыча кыенлыклар өчен гафу үтенә һәм бу йортларда яшәүчеләргә су запасы җыярга киңәш итә.