Казанның Вахитов районында өч автомобиль катнашындагы юл һәлакәтендә ике кеше зыян күргән
Островский һәм Назарбаев урамнары чатында чит ил автомобиле светофорның кызыл утына чыгып, 14нче модель «Лада»га килеп бәрелгән.
Скопировать ссылку
(Казан, 20 август, «Татар-информ»). Казанның Вахитов районында өч автомобиль катнашындагы юл һәлакәтендә ике кеше зыян күргән. Бу хакта шәһәр Дәүләт автоинспекциясе хәбәр итә.
Узган шимбә кичендә «Хендэ» автомобилен идарә итүче 20 яшьлек егет, Островский һәм Назарбаев урамнары чатында светофорның кызыл утына чыгып, 14нче модель «Лада»га бәрелгән. Шуннан соң «Лада» светофорда туктап торган «Фольксваген»га килеп сыланган.
Авария нәтиҗәсендә «Лада»ның шоферы һәм 25 яшьлек пассажиры төрле тән җәрәхәтләре алган.
