Җәмгыять 10 июль 2021 09:19

Казанның ЦУМ сәүдә үзәгендә вакцинация пункты кабат ачылачак

Теләгән һәркемгә алдан язылмыйча гына, чират буенча 10:00–20:00 сәгатьләрдә прививка ясаячаклар.

Скопировать ссылку

(Казан, 10 июль, «Татар-информ», Эвелина Киселева). 12 июльдә, якшәмбе көнне Казанның ЦУМ сәүдә үзәгендә коронавируска каршы вакцинация пункты кабат эшли башлаячак.

Татарстанның Сәламәтлек саклау министрлыгында әйтүләренчә, табиблар ял көнендә сәүдә үзәгендә эшләүләрен дәвам итәчәк.

Теләгән һәркемгә алдан язылмыйча гына, чират буенча 10:00–20:00 сәгатьләрдә прививка ясаячаклар.

«Прививканың беренче дозасын ясаячаклар, әлегә икенче компонентны поликлиникада кешеләр үзләре ясата. Өч атна узгач, икенче вакцина ясатыр вакыт җиткәч, кешеләрнең бу пункттагы активлыгын караячакбыз. Әгәр темплар югары булса, табиблар эшләвен дәвам итәчәк», — диделәр министрлыкта.

Искәртеп үтик, табиблар сәүдә үзәгендә март ахырына кадәр прививка ясады.

Алдарак «Татар-информ» Казанда Фатыйх Әмирхан проспектындагы төзелеш гипермаркетында коронавируска каршы прививка ясый башладылар дип язган иде.

#вакцина #коронавирус

Сәхифәләр

Казанның ЦУМ сәүдә үзәгендә вакцинация пункты кабат ачылачак