Мәдәният 17 декабрь 2016 12:28

Казанның Татар утарындагы "Шәрык клубы" Резеда Ахиярова белән иҗади очрашуга чакыра

Программада музыкаль сәхнә әсәрләре, инструменталь, вокаль әсәрләр, шигырьләр яңгыраячак.

Скопировать ссылку

(Казан, 17 декабрь, "Татар-информ") 19 декабрьдә Казанның Иске Татар бистәсендәге "Татар утары"нда даими уздырылып килүче “Шәрык клубы”ның чираттагы кунагы Татарстанның халык артисткасы Резеда Ахиярова булачак. Кичәне "Иске Татар бистәсен үстерү һәм Кабан күлен төзекләндерү" фонды оештыра, дип хәбәр итәләр "Татар утары"ннан.

Татарстанның Г.Тукай премиясе лауреаты, танылган җырлар авторы, операларга көйләр иҗат иткән композитор белән очрашуга танылган рәссамнар, шагыйрьләр, театр әһелләре, артистлар да чакырылган.

Кичә 18.00 сәгатьтә башлана. Программада музыкаль сәхнә әсәрләре, инструменталь, вокаль әсәрләр, шигырьләр яңгыраячак.

#Шәрык клубы #Резеда Ахиярова #Татар утары #Иске Татар бистәсе

Сәхифәләр

Казанның Татар утарындагы "Шәрык клубы" Резеда Ахиярова белән иҗади очрашуга чакыра