Икътисад 27 февраль 2010 12:26

Казанның сәүдә нокталарында кәбестә кыйммәтләнүен дәвам итә

Ә менә бәрәңге арзаная төшкән

Скопировать ссылку

(Казан, 27 февраль, “Татар-информ”). Узган атнада да Казанның сәүдә нокталарында кәбестә кыйммәтләнүен дәвам иткән. Бу төр яшелчә бәясе тагын 0,9 процентка күтәрелә төшкән. Кишер бәясе дә 1,1 процентка булса да өскә “үрмәләгән”. Шул ук вакытта бәрәңге бәясе 1,6 процентка төшкән. Башка төр туклану продуктлары арасында төшү ягына иң зур бәяләр үзгәреше дөге ярмасында ( 2 процентка) күзәтелгән. Дуңгыз, тавык ите, атланмай, көнбагыш мае, йомырка, бодай оны 0,2-0,3 процентка арзанайган. Ә менә сыр, тары ярмасы, катырылган балык - 0,8-1,1 процентка, шикәр комы-0,3 процентка кыйммәтләнә төшкән. Әлеге мәгълүматларны “Татар-информ” агентлыгына Дәүләт статистикасы федераль хезмәтенең ТР идарәсе җиткерде.

Сәхифәләр

Казанның сәүдә нокталарында кәбестә кыйммәтләнүен дәвам итә